الاثنين، 10 أغسطس 2009
الخميس، 17 أبريل 2008
قصيدة خدت حبيبة
(1)
دن دن وقسم
ع الاوتار
اصل القليب مابقاش
محتار
دانا دبت دبت
وخدت قرار
ومشيت لها اجمل
مشوار
واخدتها ليا خطيبة
و حبيبة من بعد الغيبة
*-*-*-*-*
(2)
الاسم : دعاء عبد الرحمن
الرسم : بقى اجمل انسان
والقلب : مخلوط وفا وحنان
والوصف : بقى فوق الامكان
*-*-*-*-*
(3)
دن دن وقسم
ع الاوتار
دى حبيبتى جنة
بتمحى النار
لها قلبى غنى
جواب وقرار
*-*-*-*-*
(4)
هى الحبيبة لاخر
العمر
وامسك عشانها النار
والجمر
وهى تروى فتغمر
غمر
زاينة الجمال بعنيها
السمر
*-*-*-*-*
(5)
هى اللى برجوها قرة
عين
واخاف عليها من
الحاسدين
هى حنان وامان
وحنين
وأدب غلب الاسى
والشين
*-*-*-*-*
(6)
باحبها لما لا نهاية
راسمة ف حياتى الضحكاية
ومنورة أرضى سمايا
وهى واضحة كما الاية
*-*-*-*-*
(7)
هى دعاء ربى
اجابه
وشايله م القلب
عذابه
وراده فيه فرحه
شبابه
وهى حفظه
وحجابه
*-*-*-*-*
(8)
دن دن وقسم
ع الاوتار
اصل القليب مابقاش
محتار
دانا دبت دبت
وخدت قرار
ومشيت لها اجمل
مشوار
وأكتب ما هتكفى
الاشعار
مع تحياتى
حازم ربيع
-----------------------
تابعوا مدوناتى الاخرى
السبت، 22 مارس 2008
فى فضل الام
فى فضل الام ... ها أقول وها أقول
ده قلب يضم ... حنان موصول
يقعد سهران
وانا عيان
مايبقى ملول
وأيد على أيد تشمر كم
تطبخ أكلها المعسول
وعمرى يزيد
وتمحى الهم
تبخ قميصى يالمكسور
انا حبها ... سنين عمرها ... ونور عقلها
رضايا تطول ... هنايا تطول ... شقايا يزول
تكيد بنجاحى كل عزول
تبوس الجبهة بردى يزول
وفى الالبوم
تجمع صورى
يوم ورا يوم
ده فى الالبوم
تجمع صورى
كوم ورا كوم
بلوفر شغلته على نول
وزغرودة فى فرحى تطول
تقيس بالشبر ... ازداد طول
ودى صورة مليها دموع
ودى صورة باجيب مجموع
ودى صورة فى كلية
ودى دعوة بحنية
حبيبى يحفظك ليا
ودى صورة عليها شاى
بتنظر ليها بفراسة
انا صغير ورايح جاى
تلطخ وشي مصاصة
وكلمتها يا واد قوم نام
تشعلق شعرى فى الالهام
وتشتمنى ... وتضربنى يا واد مالك
هزيل ونحول؟
بتتعبنى ... تغلبنى
ياواد عيزاك تكون مسئول
يا ابن اللى
انا اطبخ وتاكل فول
مزيج لمحبة مش معقول
مزيج لمحبة مش معقول
شعر : حازم ربيع
تابعوا مدوناتى الاخرى
الخميس، 6 مارس 2008
قصيدة دبلة و غوايش
عارف انى بتأخر عليكوا لكن والله مشغول ومش عارف افضى خالص لكن عذرى
ان الشعر مدته طويلة مش بيتلف بسرعة زى المقالات العادية والدليل على كدة التعليقات
اللى بتيجى على القصايد القديمة، هاكتب قصيدة باحبها قوى وأسمها هو عنوان ديوانى الاول
بأذن الله
-*-*-*-*-*-*-*-*-
كنت فاكر بعدك انتى مش ها اعيش
لكن اللى الاملى قلبى انى عايش
هو معقول كل ده كان بس وهم
حلم عايشه شاب طايش
ليه ياقلبى .. ليه حزين
بالآلم جياش وجايش؟
ليه كدة على بس مين
ليه لدمع الحزن حايش؟
ليه يا ورق الحب دايماً
مرة دبلان .. مرة بايش؟
هو يعنى عشان ماعيش
أشترى دبله وغوايش؟
هو يعنى عشان أعيش
أشترى دبله وغوايش؟
*****
عايزة شقة جيبها دادى
هو فقرى دا شئ أرادى
دانا زى شباب بلادى
ع الوظيفة أفضل انادى
تفحت الصخر الايادى
وأسالك ليه ها تسيبينى
تقولى عادى
يعنى باتعب وأنت تعبك
عندى عادى؟
*****
شبكة ديا؟ لا كلبش
قلب خان للحب غش
دا قناع وطلع له وش
ليه ياقلبى عشقت وحش؟
ليه يا قلبى عشقت وحش؟
*****
الخميس والشهر مارس
تبدى فى عمرى الكوارث
تتخطب بنت الفوارس
يتكسر حلم الليالى
يسقط البدر اللى عالى
كل شعرى وكل حبى
يتشطب
كان شئ خيالى
يتشطب
كان شئ خيالى
مع تحياتى
حازم ربيع
الاثنين، 18 فبراير 2008
قصيدة دورة الايام
هاتدور الايام دورتها
و هايتغير بينا الحال
و الاحزان بكرة نسكتها
و هانكبتها و نصبح عال
احلامي لازم هاثبتها
ومفيش شيء راح يبقى محال
و اللي جرحني و اللي دابحني
هايدوق من بعدي الاهوال
و الدمعه هاتتحول شمعه
و النجمه راح تبقى هلال
و هاكمل و الله هاكمل
و هاقرب كده من الكمال
و هاشوفك بتداري كسوفك
اه يا غارقه وسط الاوحال
بدراعي و بقلبي انا داعي
و المولى عالم بالحال
مع تحياتى
حازم ربيع
الأربعاء، 23 يناير 2008
رغم غياب الشمس بنرجع
رجعت للتدوين رجعت وانا مصمم اكتر من المرة اللى بدأت فيها مصمم انى اعمل حاجة
وادينى بافتتح مدونتى الشعرية الجديدة فأليكم هذة القصيدة
*******
رغم بعاد الشمس .... غروبها
وانتصارات دايما ....مغلوبها
رغم غيام الريح.... وهبوبها
****
بردوا الشمس ها ترجع تانى
ومن النور راح تلبس توبها
بردوا هاحقق انا بأيمانى
تعديل نفسي ومحى عيوبها
بردوا ها اواجه قلبى الجانى
وهاطهر روحى وذنوبها
****
اصل غروب الشمس شروق
دنيا تنام والتانية تفوق
وانا مش خالق انا مخلوق
****
ربى كريم عفوه بيفوق
الدنيا كلها وشعوبها
واللى مأمن قلبه صدوق
ترجع شمسه بعد غروبها
مع تحياتى
حازم ربيع
الاشتراك في:
الرسائل (Atom)