وادينى بافتتح مدونتى الشعرية الجديدة فأليكم هذة القصيدة
*******
رغم بعاد الشمس .... غروبها
وانتصارات دايما ....مغلوبها
رغم غيام الريح.... وهبوبها
****
بردوا الشمس ها ترجع تانى
ومن النور راح تلبس توبها
بردوا هاحقق انا بأيمانى
تعديل نفسي ومحى عيوبها
بردوا ها اواجه قلبى الجانى
وهاطهر روحى وذنوبها
****
اصل غروب الشمس شروق
دنيا تنام والتانية تفوق
وانا مش خالق انا مخلوق
****
ربى كريم عفوه بيفوق
الدنيا كلها وشعوبها
واللى مأمن قلبه صدوق
ترجع شمسه بعد غروبها
مع تحياتى
حازم ربيع
هناك 16 تعليقًا:
واللى مآمن قلبه صدوق
ترجع شمسه بعد غروبها
صحيح يا مبدع
كلامك صحيح
وعلشان كدا انت رجعت لنا تاني
ونورت شمسك بين المدونين
كل التحية والسلااااااااام
:)
اصل غروب الشمس شروق
دنيا تنام والتانية تفوق
حلوه أوي القصيدة يا حازم
بحب الكلام اللى أحس إنه شبهي وشبه الناس اللى حواليا
جوانا كلنا وانت قلته بالنيابه عننا
سعيده إني اتعرفت على المدونة دي
وعاجبني روح العند اللى ف أول القصيده
:)
رجعت وانا مصمم اني اكتب وأعمل حاجه
رحت قايله ف نفسي وانا بقى مصممه أقراها
هههههههه
يومك ورد يا شاعر
الله عليك بجد وعلى اصرارك
وعلى جمال القصيده
كلها امل واصرار
ربنا يوفقك يارب
حازم حمدالله على سلامتك
عجبتني قوي روح التحدي الي جواك كدا
ايوا كدا اوعىتستسلم ابدا
المؤمن القوي خير من الضعيف
و انا احسبك من الأقوياء بهدفك الجميل
-----------
اصل غروب الشمس شروق
دنيا تنام والتانية تفوق
وانا مش خالق انا مخلوق
****
رائعه رائعة
و الف الف الف حمدالله على سلامتك
و ماتغبش تاني :)
لأ القصيدة دى فعلا جميلة جدا
كده فعلا أثبت انك موهوب
على فكرة انا مستغربة جدا
يعنى انا قاعدة أزور مدوناتك و أ‘لق عليهم و اشارك برأيى و انت مقلتش كلمة واحدة على الموضوع بتاعى
بذمتك مش شئ غريب شوية ؟؟
:)))
الى دكتورة روفى
-*-*-*-*-*-*-
كبيرة قوى كلمة مبدعة دى علينا يا روفى
ثم انا عايز نقدك لانك عندك
ذاثقة شعرية ممتازة
وعموما الف شكر
على المساندة
ياقمرة
المدونين
والف مبروك نجاحك
وكل سنة وانتى طيبة
ويارب تحققى كل نجاحتك
الى ثورة
-*-*-*-
حضورك الطاغى وسخريتك
هى مذاق خاص
حتى المقدمة سخرتى منها
واجمل حاجة فى الشعر انه مايكونش متحزلق
ويكون شبه الناس
يومك انتى بوكيه
ورود
الى لولا
-*-*-*-
الله عليكى انتى يا لولا
وعلى زوقك
وعلى محاولاتك ومدوناتك
يا اجمل صحفيه
فى الدنيا
وفى عالم التدوين
الى روزا
-*-*-*-
نورتى المدونة
وشكرا على المساندة
وعلى فكرة اول موضوع ليا فى مدونتى روح الفدا
هيكون عنك
وهارد فيه على استفسارات
شاغلة بالك
نورتينى يا اجدع دكتورة تحاليل فى الدنيا
الى ايمان الطاهر
-*-*-*-*-*-*-*-
اعترافك بموهبتى
اعتراف غالى يا ايمان
ياريت ماترجعيش
فيه
والله انا باقرا
كل موضوعاتك
بس موضوع التعليقات انا مقصر فيه
عشان عندى ابحاث فى الدراسات العليا
واخدة كل وقتى
وكمان باختبر اذاعة فى قناة دوغار الامراتية
دعواتك بقى
انا فى التصفية الاخيرة
جميلة جدا كلماتك
تنفع أغنية لمصطفى كامل
اتمنى صداقتك وتبادل لينكات
واللى مآمن قلبه صدوق
ترجع شمسه بعد غروبها
مفيش احلى من الأمل
وأهم حاجة الأيمان بيه
بجد مبدع وفنان
تسلم ايدك :)
بردة هحقق انا بايمانى
تعديل نفسى ومحى عيوبها
شده الثقه والايمان بجد ظاهرين من كلماتك
محدش محتاج اكتر من كدا علشان يحس بيك او يفهم احساسك الرائع
سعيدة بمعرفتى بالمدونه
الى صوت بلا صدى
-*-*-*-*-*-*-
شعرى ينفع اغنيه لمصطفى كامل
الله يسامحك
ايش حال اذا كانت القصيدة متفائلة
عموما مرورك عندى
شرف
-----------------------
--------------------
مع تحياتى
حازم ربيع
الى حمامة
-*-*-*-*-
مبدع وفنان
دى القاب انا اقل منها بكتير
مرسيى للمجاملات
يا ارق حمامة سلام فى الدنيا
-----------------------
-------------------
مع تحياتى
حازم ربيع
الى لونلى سميل
-*-*-*-*-*-*-
الحمد لله
الذى جعل لى بيان يوصل احساسي
الى من احبهم
اشكرك بشدة نورتى مدونتى
---------------------
-------------------
مع تحياتى
حازم ربيع
إرسال تعليق