هاتدور الايام دورتها
و هايتغير بينا الحال
و الاحزان بكرة نسكتها
و هانكبتها و نصبح عال
احلامي لازم هاثبتها
ومفيش شيء راح يبقى محال
و اللي جرحني و اللي دابحني
هايدوق من بعدي الاهوال
و الدمعه هاتتحول شمعه
و النجمه راح تبقى هلال
و هاكمل و الله هاكمل
و هاقرب كده من الكمال
و هاشوفك بتداري كسوفك
اه يا غارقه وسط الاوحال
بدراعي و بقلبي انا داعي
و المولى عالم بالحال
مع تحياتى
حازم ربيع
هناك 8 تعليقات:
اول مرة تقريباً اكون اول تعليق
:)
حلوة اوى عارف احلى حاجة فيها ايه
الثقة ف كلماتها
حلوة بجد
تقبل مرورى :)
و الدمعه هاتتحول شمعه
و النجمه راح تبقى هلال
و هاكمل و الله هاكمل
و هاقرب كده من الكمال
أمل وتفاؤل وثقه
جميله جدا جدا جدا
أحسنت وربنا يديم عليك هذه القوة
تحيااااااااتي
ربنا يديم عليك التفاؤل ده...المحاولة والتصميم عمرها ما بتدفع غير للأحسن
للأمام دائماً
حلوة يا حازم
بس اللى قبلها احلى برضه :)))
دى فيها ثقة جميلة و اللى قبلها فيها ثقة و روعة أكبر
ملحوظة : انا بقى مش هضيف مدونة روح الفدا !!!!!!!
انا ضفتلك مدونتين و انت مضيفتش حاجة !!!!!!! ( وش بيطلع لسانه )
هههههههههههههههه
تحياتى
الى حمامة
-*-*-*-
الانسان ياحمامة وخصوصا الشاعر
تتأرجح ثقته
ولكنى احاول دائما
ان اضع نفسي فى وضعية الراضى عن افعال الله
الواثق فى رحمته
--------------------
--------
مع تحياتى
حازم ربيع
الى سلوى
-*-*-*-
اشكرك
واسأل الله لك ما سألتيه لى
اجمل شئ فى الدنيا
هو ان تدعوا الناس لك
------------------
-----------
مع تحياتى
حازم ربيع
الى امانى
-*-*-*-
طالما الى بيقرأ شعرى اسمه
امانى
لازم ابقى متفائل
--------------------
----------------
مع تحياتى
حازم ربيع
الى ايمان الطاهر
-*-*-*-*-*-*-*-
كدة يا ايمان
والله لاعيط
مش كفايه المدونة بتاعة روح الفدا
التمبل بتاعها مقلوب ومش عارف
اعدله
وكمان التعليقات بايظة
-----------------------
--------------------
مع تحياتى
حازم ربيع
إرسال تعليق