عارف انى بتأخر عليكوا لكن والله مشغول ومش عارف افضى خالص لكن عذرى
ان الشعر مدته طويلة مش بيتلف بسرعة زى المقالات العادية والدليل على كدة التعليقات
اللى بتيجى على القصايد القديمة، هاكتب قصيدة باحبها قوى وأسمها هو عنوان ديوانى الاول
بأذن الله
-*-*-*-*-*-*-*-*-
كنت فاكر بعدك انتى مش ها اعيش
لكن اللى الاملى قلبى انى عايش
هو معقول كل ده كان بس وهم
حلم عايشه شاب طايش
ليه ياقلبى .. ليه حزين
بالآلم جياش وجايش؟
ليه كدة على بس مين
ليه لدمع الحزن حايش؟
ليه يا ورق الحب دايماً
مرة دبلان .. مرة بايش؟
هو يعنى عشان ماعيش
أشترى دبله وغوايش؟
هو يعنى عشان أعيش
أشترى دبله وغوايش؟
*****
عايزة شقة جيبها دادى
هو فقرى دا شئ أرادى
دانا زى شباب بلادى
ع الوظيفة أفضل انادى
تفحت الصخر الايادى
وأسالك ليه ها تسيبينى
تقولى عادى
يعنى باتعب وأنت تعبك
عندى عادى؟
*****
شبكة ديا؟ لا كلبش
قلب خان للحب غش
دا قناع وطلع له وش
ليه ياقلبى عشقت وحش؟
ليه يا قلبى عشقت وحش؟
*****
الخميس والشهر مارس
تبدى فى عمرى الكوارث
تتخطب بنت الفوارس
يتكسر حلم الليالى
يسقط البدر اللى عالى
كل شعرى وكل حبى
يتشطب
كان شئ خيالى
يتشطب
كان شئ خيالى
مع تحياتى
حازم ربيع
هناك 6 تعليقات:
ياااااااااااااا
انت سودتها اوى ياحازم
انا اصلا يابنى مش ناوى افكر عشان متعبش
الى مدحت محمد
-*-*-*-*-*-
انا مش قصدى كدة يا دوحة
والله العظيم
انا بس مجرد شاعر
باكتب عن تجربة
----------------------
-----------------
لكن الحياة حلوة
وبكرة هاتفكر وربنا هايرزقك
ببنت الحلال
------------------------
-----------------
على فكرة انت ما قولتش رايك فى القصيدة
----------------------
--------------------
مع تحياتى
حازم ربيع
ايه يا حازم الابداعات دى
من اول مرة ادخل وارد الزيارة كدا
بجد قصيدة حلوة اوى
ومعلش اللى ميفضلكش معاك لنهايه الطريق
مش يستحق اصلا انه يكون فى حياتك من الاول
احمد الله على كل شئ:)
ياه ياحازم
ايه الشجن والروعة دي
مش لاقية تعليق غير اني اقول لك
دُم مبدع.......يامبدع
lonlysmily الى
-*-*-*-*-*-*-
مرسيى جدا
وفعلا عندك حق
انا باعتز بالقصيدة دى
عشان قريبة من الشباب
وبتمثل نوع جديد
من الشاعرية
باسميه
شاعرية الواقع
---------------------
مع تحياتى
حازم ربيع
الى روفى
-*-*-*-
اه منك يا رافعة معنوياتى
---------------
مع تحياتى
حازم ربيع
إرسال تعليق