فى فضل الام ... ها أقول وها أقول
ده قلب يضم ... حنان موصول
يقعد سهران
وانا عيان
مايبقى ملول
وأيد على أيد تشمر كم
تطبخ أكلها المعسول
وعمرى يزيد
وتمحى الهم
تبخ قميصى يالمكسور
انا حبها ... سنين عمرها ... ونور عقلها
رضايا تطول ... هنايا تطول ... شقايا يزول
تكيد بنجاحى كل عزول
تبوس الجبهة بردى يزول
وفى الالبوم
تجمع صورى
يوم ورا يوم
ده فى الالبوم
تجمع صورى
كوم ورا كوم
بلوفر شغلته على نول
وزغرودة فى فرحى تطول
تقيس بالشبر ... ازداد طول
ودى صورة مليها دموع
ودى صورة باجيب مجموع
ودى صورة فى كلية
ودى دعوة بحنية
حبيبى يحفظك ليا
ودى صورة عليها شاى
بتنظر ليها بفراسة
انا صغير ورايح جاى
تلطخ وشي مصاصة
وكلمتها يا واد قوم نام
تشعلق شعرى فى الالهام
وتشتمنى ... وتضربنى يا واد مالك
هزيل ونحول؟
بتتعبنى ... تغلبنى
ياواد عيزاك تكون مسئول
يا ابن اللى
انا اطبخ وتاكل فول
مزيج لمحبة مش معقول
مزيج لمحبة مش معقول
شعر : حازم ربيع
تابعوا مدوناتى الاخرى
هناك 8 تعليقات:
الأم
ربنا يخلي كل الأمهات ويديهم الصحه
كلماتك جميله فعلا
تحياتي
:)
مهما قلنا مش هنقدر نوفيهم حقهم
اسلوب جميل قوي يا حازم
:)
من أجمل الحاجات الي قريتها عن الم ياحازم
رائع كالعادة طبعا
:)
ماتطولش الغيبة بقى
الى سلوى
-*-*-*-
ربنا ما يحرم حد من امه
والمثل بيقول الى بلا ام حاله يغم
------------------
بشكرك جدا يا سلوى
على زيارتك المتكررة
وربنا ما يقطع الود
-----------------
مع تحياتى
حازم ربيع
الى روزا
-*-*-*-
يكفى ان ربنا قدرهم يا روزا
---------------------
باشكرك
وبارجو
ان تستمرى فى زيارتنا
والتعليق
على جميع
القصائد
لان رايك بيهمنى شخصيا
----------------------
مع تحياتى
حازم ربيع
الى د/ روفى
-*-*-*-*-
باشكرك بشدة
مش عارف ااقولك
ايه
طول الوقت بتقوليلى
رائع
--------------
بس للاسف ان حزين
لانى كنت حاسس
ان المدونة دى هاتعمل
حاجة فى عالم التدوين
والشعر
لكن التعليقات قليلة
والتواصل مش عالى
اكيد فى حاجة غلط
----------------------
عموما شهادتك
وسام على راسى
انتى مثقفة من العيار الثقيل
واديبة تملك ناصية البيان
ودكتورة
تعرف موطن الداء وتعالجه
---------------------
مع تحياتى
حازم ربيع
Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the TV de LCD, I hope you enjoy. The address is http://tv-lcd.blogspot.com. A hug.
حازم
تحدثت عن الأم بمسؤلية قلب حان واحساس مرهف وابن بار
تحياتي لك
دام قلمك
إرسال تعليق